ANBUOVIYA

அவர்கள் அவனைப் பிடித்தபோது அவனிடம் ஒரு துப்பாக்கியும்  ஒரு பையும் தான் இருந்தன குழந்தைகள் வைத்திருப்பதுபோன்ற  நாய்க் காது பை பச்சை நிறத்தில் ஒரு நோட்டுப் புத்தகம் அதில் எழுதப்பட்டிருந்தன  நான்கு கவிகளின் அறுபத்தொன்பது கவிதைகள் துப்பாக்கியில் ரவைகள் இல்லை பையில் ஒரு ரொட்டித் துண்டு இல்லை குடிப்பதற்குத் தண்ணீர்கூட இல்லை  இத்தனை நாள் எப்படி உயிரோடிருந்தான் எதனைக்கொண்டு சண்டை போட்டான் எப்படியெப்படியோ விசாரித்துப் பார்த்தார்கள்  சிரித்தானே தவிர பதில் சொல்லவில்லை அலுத்துப்போன சிப்பாய்கள்  ஆணையின்படி அவனை சுட்டுக்கொன்றார்கள் பச்சை நிற நோட்டுப் புத்தகம் அதிலிருந்த அறுபத்தொன்பது கவிதைகள் தாகிக்கும்போது தண்ணீராகும் பசித்திருக்கும்போது உணவாய் மாறும் துப்பாக்கியில் போடும் தோட்டாக்களாய் உருவெடுக்கும்  சுட்டுக் கொன்றார்கள் ஆனால், பச்சை நிற நோட்டுப் புத்தகத்தில்  படியெடுத்து வைத்த கவிதை வரிகளில் இன்னமும் அவன்  வாழ்ந்துகொண்டுதான் இருக்கிறான்  ( அக்டோபர் 9 - சே குவேராவின் 4...

பொருட்களின் நிறை  எப்படி வருகிறதென  அறிவியலார் சொல்லக்கூடும் ஆனால்  பொருட்களுக்கான விதி புத்தகத்துக்குப் பொருந்தாது புத்தகத்தின் எடையை  காகிதங்களைக்கொண்டு  தீர்மானிக்க முடியாது ஒரு ஊர் சூறையாடப்பட  ஒரு புத்தகம் காரணமானதுண்டு ஒரு நாட்டையே  உடைத்து நொறுக்கிய  புத்தகங்களை அறிவோம் நாம் இன்று ஒரு புத்தகம் கிடைத்தது 'இழந்த மாலைகள்  இழந்த வாழ்வுகள்' ஈழத் துயரம் கசியும் கவிதைகள் கையில் எடுத்தபோது  கனக்கவே இல்லை படிக்கத் தொடங்கினேன்  பாரம் தாங்காது  செத்துக்கொண்டிருக்கிறேன்  - 26.12.2015

" இரண்டுக்கும் நிறைய ஒற்றுமைகள் உள்ளன. சொல்லப்போனால் தமிழ் தலித் இலக்கியம் கன்னட தலித் இலக்கியத்துக்கு நிறையவே கடன்பட்டிருக்கிறது. இருபது ஆண்டுகளுக்கு முன்னர் இங்கே பணியாற்றிக்கொண்டிருந்த பாவண்ணன் எனது வேண்டுகோளின் அடிப்படையில் சித்தலிங்கையாவின் ஊரும் சேரியும், அரவிந்த மாளகத்தியின் கவர்ன்மெண்ட் பிராமணன் ஆகிய சுய சரிதைகளையும், இதோ இந்த அரங்கில் இருக்கிறாரே மொகள்ளி கணேஷ் அவரது பம்பரம் உள்ளிட்ட சிறுகதைகளையும் தமிழில் மொழிபெயர்த்தார். அவற்றை நான் விடியல் பதிப்பகத்தின்மூலம் வெளியிடச் செய்தேன். அந்த சிறுகதைத் தொகுப்புக்கு புதைந்த காற்று என நான்தான்  தலைப்பிட்டேன். நானும் இன்னும் சில நண்பர்களுமாக சேர்ந்து நடத்திய நிறப்பிரிகை இதழின் சார்பாக தலித் இலக்கியச் சிறப்பிதழ் ஒன்றைக் கொண்டுவந்தேன். அதில் சித்தலிங்கையாவின் நீண்ட பேட்டி இடம்பெற்றது. நான் நடத்திய தலித் என்ற இலக்கிய இதழில் தேவனூரு மகாதேவாவின் மிக முக்கியமான படைப்பான குசுமபாலெவின் தமிழ் மொழிபெயர்ப்பைத் தொடராக வெளியிட்டேன். நஞ்சுண்டன் மொழிபெயர்த்தார்.  மராத்தி தலித் இலக்கியத்தைவிட கன்னட தலித் இலக்கியம் தான் தமிழ்...

இந்தியாவின் ஜனநாயகம் உலகப்புகழ் பெற்றது. இதற்கு’ காரணம் நமது தேர்தல் முறை என்று சொல்லப்படுவதுண்டு. 'மக்களின் தீர்ப்பை மகேசனின் தீர்ப்பாக' மதித்து அமைதியாக ஆட்சி மாற்றத்துக்கு வழிவிடும் பக்குவத்தைப் பெற்றவர்கள் நமது அரசியல் தலைவர்கள். ஆனால் இந்தத் தேர்தல் முறையை மாற்ற வேண்டும் என்ற குரல் இப்போது வலுவாக கேட்கத் தொடங்கியுள்ளது. தேர்தல் முறையில் மாற்றம் தேவை எனக்குரல் கொடுப்பவர் நமது தலைமைத் தேர்தல் ஆணையர் கோபாலஸ்வாமி. இதற்கு முன் தலைமைத் தேர்தல் ஆணையராயிருந்த கிருஷ்ணமூர்த்தியும் இந்தக் கருத்தை வலியுறுத்தியே வந்தார்.  ஒரு தொகுதியில் போட்டியிடும் வேட்பாளர்களில் யார் அதிக வாக்குகளைப் பெறுகிறாரோ அவர் வெற்றி பெற்றதாக அறிவிக்கப்படுவார். இதுதான் தற்போதிருக்கும் நமது தேர்தல் முறை. அந்தத் தொகுதியில் அவரை எதிர்த்துப் போட்டியிட்ட வேட்பாளர்கள் யாவரும் சேர்ந்து பெற்ற வாக்குகளைச் சேர்த்துப் பார்த்தால், பலசமயம் அது வெற்றி பெற்றவர் பெற்ற வாக்குகளைவிடக கூடுதலாக இருப்பதுண்டு.எனவே அந்த தொகுதியில் சிறுபான்மை வாக்குகளைப் பெற்றவர் வெற்றி பெற்று அந்தத் தொகுதியின் பிரதிநிதியாகச் செல்லும் நிலை ஏற்படுகிறத...

ஒரு மரணத்தை எப்படி உணர்வது உறைய வைக்கும்  பயத்தோடா தெவிட்டும் மகிழ்சியோடா மரணத்திற்குக்  கோர உருவத்தைத்  தீட்டிய கைகள் ரசனையற்றவை மரணத்தை ஸ்நேகிக்கக்  கற்றுக்கொள்வோம் வாருங்கள் நிச்சயமான மரணத்தை நாம் நிச்சயமின்மைக்குள் அடைக்க முயல்கிறோம் ஆனால் மென்மையாக அலையும் பூனையைப்   போல் எப்போதும் அது நம்மைத் தொடர்கிறது மரணத்தின் நிறம் கறுப்பு அல்ல அதற்கு ஆயிரம் வண்ணங்கள் திரவப் பளிங்கு  போலிருக்கும் அதில் பிரதிபலிக்கிறது நம் உருவம் பூக்களை உதிர்த்துச்  செல்லும் காற்றைப் போல் உயிர்களை உதிரச் செய்கிறது மரணம் பூக்கள் உதிர்ந்த  பின்பு மரங்களின் அழகு குறைந்தா  போகிறது? பறவைகளைப் பாருங்கள் அவை கோடை மழையில் நனைவதுபோல் மரணத்தில் குளிக்கின்றன ஒரு இறகைக் கூட  உதிர்ப்பதில்லை முற்றத்தின்  மூலையில் படரும் பட்டு ரோஜாவைப் போல மரணத்தை வளரவிடுங்கள் அதை நெஞ்சை நிமிர்த்தி எதிர்கொள்ள வேண்டாம் ஒரு குழந்தையை வாங்குவது  போல ஏந்திக்  கொள்ளுங்கள் மரணத்துக்கு அஞ்சி நாம் ஒளிந்துகொள்கிற இடம் யாவும் சிறை...

விதை என்பது உயிர்சுழி. வாழ்க்கை முழுதாய் அடங்கிய ஒற்றைப்புள்ளி. விதையின் இருப்பு மரத்திற்கும் நிலத்திற்கும் இடையே கைமாறிக் கொண்டே இருக்கிறது. காற்றின் விதைகள் தங்கள் இருப்பை எழுத காற்றின் திசைகளில் நிலத்தைத் தேடி பயணிக்கின்றன. காற்றும் நிலமும் விதைகளை வேடிக்கைப் பொருளாக்கி விளையாடித் தீர்க்கின்றன. பெண்கள் எதிர்கொள்ளும் சமூகம் என்பது, காற்றில் பரவும் விதைகளுக்கு ஊடகமான காற்றும் நிலமும் போல அவர்கள் இருப்பை நிலைபடாததாக வைக்கிறது.  இயற்கை உயிருள்ள, உயிரற்ற பொருட்களை எல்லாம் தகவமைத்துக் கொள்வதன் மூலம் தப்பித்துக்கொள்ளும்படி அறிவுறுத்திக் கொண்டே இருக்கிறது. இயற்கையின் எச்சரிக்கை மொழியாக உருவெடுத்திருப்பதன் சாட்சிதான் ரவிக்குமாருடைய “சூலகம் - பெண்கள் எதிர்கொள்ளும் சமூகம்” கட்டுரைத்   தொகுப்பு - விதைகள் நீருக்காகவும் நிலத்திற்காகவும், காற்றிற்காகவும் தங்களை வேண்டியபடி தகவமைத்துக் கொள்கின்றன. காற்றை ஊடகமாக்கிக் கடந்து செல்லும் விதைகளுக்குக் கூடுதல் தகவமைதல் தேவைப்படுகிறது. உண்மையில் விதைகள் காற்றைச் சுமக்க வேண்டியுள்ளது. தாங்கள்  ஊன்றப்படுவதற்காக நிலத்தை இ...

ஒரு மரணத்தை எப்படி உணர்வது உறையும் பயத்தோடா தெவிட்டும் மகிழ்சியோடா மரணத்திற்கு கோர உருவத்தை தீட்டிய கைகள் ரசனையற்றவை மரணத்தை ஸ்நேகிக்க நமக்கு ஏன் கற்றுத்தரப் படவில்லை மரணம் தன்னை நிச்சயிக்கிறது நாம் நிச்சயமின்மைக்குள் அதை அடைக்கிறோம் மென்மையாக அலையும் பூ னையைப் போல் நம்மோடு தொடர்கிறது வண்ணங்களின் தீவிரம் கொண்ட கருமையை கொண்டு அதை அடையாளப்படுத்தியது நாகரீகமற்றது கருமையை வாழ்க்கையோடு அடையாளம் காண்போம் மரணத்தை பற்பல வண்ணங்களால் அடையாளப்படுத்துவோம் பளிங்கு நீர; போலிருக்கும் அதன் தோற்றம் நம்மை பிரதிபலிக்கவில்லையா என்ன நித்தம் உதிரும் பூக்கள் போல நிமிடந்தோறும் உதிர்ந்து கொண்டிருக்கிறது பூக்கள் உதிர;ந்த பின்பு மரங்களின் அழகு கூடிப்போகிறதே வசந்தத்தின் நிலாமாடம்வ மரணத்தை தண்டனை என்று உச்சரிப்பது கேவலம் வேற்று கோணத்திலிருந்து நோக்குவோம் புpறப்பு தண்டனை இறப்பு விடுதலை பறவைகளின் விலங்குகளின் வாழ்க்கை அற்புதமானவை கோடை மழையில் நனைவதைப் போல அவை மரணத்தை எதிர்ப்பதில்லை எததனை பறவைகள் எத்தனை விலங்குகள் மடிகின்றன மரணத்த...

சண்பகலட்சுமியின் உடலில் சன்னமாகச் சுருதியேறத் தொடங்கியிருந்தது நாலாபுறமும் மக்கள் இடித்து நெரித்துக்கொண்டிருந்தனர். வசதியான இடத்தைப் பிடிப்பதில் ஒவ்வொருவரும் தீவிரமாக ஈடுபட்டிருந்தனர். சண்பகலட்சுமி 11 மணிக்கே வந்து மறைப்பில்லாத , வசதியான இடமாகப் பார்த்து அமர்ந்து விட்டாள். பெரியாச்சி பூசையில் தொடங்கி தர்மராஜா பட்டாபிஷேகம் வரை கிட்டத்தட்ட மூன்று மாத காலம் நடைபெறும் தீமிதித் திருவிழாவின் எல்லா நிகழ்ச்சிகளிலும் ஒன்றுவிடாமல் தவறாமல் கலந்துகொள்ளும் சண்பகலட்சுமிக்கு , எந்த விழாவுக்கு எந்த நேரத்தில் வந்தால் இடம் கிடைக்கும் , எங்கே நின்றால் வசதியாகப் பார்க்கலாம் என்பதெல்லாம் அத்துப்படி. கோயிலில் பல முறை கட்டுமானப்பணிகள் நடைபெற்றிருந்தன. வழமைகளின் கால நேரங்களும் இடங்களும் அவ்வப்போது மாறியிருந்தாலும் அது எல்லாமே சண்பகலட்சுமிக்கு மிகச் சரியாகத் தெரிந்திருந்தது. கூட்டம் நெருக்க நெருக்க அவளது இடத்தில் காற்றோட்டம் தடைப்படத் தொடங்கியது. கிடைத்த சிறு இடைவெளியில் பாதை அமைத்து “ முன்னுக்குப் போயி நில்லு ” என்று தன் பேத்தியை தள்ளினார் ஒரு மாது. எப்ப தொடங்குவாங்க.... அருகில் நின்ற...