தமிழ் இலக்கியத்தில் வேளாண்மை பற்றிய சிந்தனைகள்
முனைவர் பூ.மு. அன்புசிவா இணைப்பேராசிரியார் மற்றும் தலைவர் தமிழ்த்துறை சங்கரா அறிவியல் மற்றும் வணிகவியல் கல்லூரி கோவை. பேச: 9842495241. முன்னுரை உழவினை மிகச்சிறந்த தொழிலாக தமிழர்கள் தெய்வமாகக் கருதிவந்தார்கள். தமிழ் இலக்கியத்தில் மட்டுமல்ல நமக்கு கிடைக்கின்ற எல்லாவற்றிலும் இத்தகைய உண்மை விளங்கக் காண்கின்றோம். பிற இடங்களிற்போல உழவனைப் பழிக்கின்ற போக்கு இங்கு இல்லை. இதை நாம் இங்கு சுட்டுவது வெறியூட்டுவதற்கன்று, தமிழ்நாட்டில் இயற்கையாகவே அமைந்துள்ள மனப்போக்கு எதிர்கால வளர்ச்சிகேற்றதாக உள்ளது என்பதை கூறுவதே என்பதை கூறுவதற்காகவே. உழவு என்பது “உழைத்தல்” “உழைப்பு” என்ற சொற்களோடு தொடர்புடையது. மெய்வருத்த பாடுபடல் என்று பொருள் படும். ஆகவே உழவுத் தொழிலுக்கே சிறப்பாக “உழவு” என்ற சொல் அமைந்திருத்தலைக் காண்கின்றோம். இதுவே “உழுதுண்டு வாழ்வாரே வாழ்வர் மற்றெல்லாம் தொழுதுண்டு பின்செல் பவர்” என்று வள்ளுவர் இந்த நுட்பத்தை தெளிவாக்குவதைக் காணலாம். தமிழ் இலக்கியம் பழமைச் சிறப்புடையது. நீண்ட நெடிய வரலாற்றுப் பாரம்பரியம் மிக்கது. மக்களின் வாழ...