சிறுகதை தோற்றமும் வளர்ச்சியும் முன்னுரை காலம் காலமாகக் கதை சொல்வதும் , கதை கேட்பதும் எல்லாத் தேசங்களிலும் , எல்லா மக்களிடையேயும் வாய்மொழி மரபாக இருந்து வந்திருக்கிறது. நாகரிகம் தோன்றுவதற்கு முன்பே , மக்கள் இனக் குழுக்களாக இயங்கி வந்த போது , ஓய்வு நேரங்களில் சக மனிதர்களிடம் தொடர்பு கொள்வதற்கும் , குடும்ப உறவினர்களுடன் பொழுதைக் கழிக்கவும் கதை கூறும் மரபைக் கையாண்டு வந்துள்ளனர். தமிழர்கள் காலந்தோறும் , இராமாயணம் , மகாபாரதம் , புராணக் கதைகள் , கிராமியக் கதைகள் , பஞ்சதந்திரக் கதைகள் , மரியாதைராமன் கதைகள் , தெனாலிராமன் கதைகள் , விக்கிரமாதித்தன் கதைகள் என பல்வேறு கதைகளைக் கேட்டு வருகின்றனர். கதைகளின் வழியாக ஒழுக்கநெறிகள் அறிவுறுத்தப்பட்டிருக்கின்றன. அதன் படிநிலை வளர்ச்சியை இக்கட்டுரையில் காண்போம். தொல்காப்பியர் கூறும் கதை மரபு கதை சொல்லும் மரபு தொன்றுதொட்டு இருந்து வந்த வழக்கம் என்பதைத் தொல்காப்பியர் , ‘ பொருள் மரப...
