ANBUOVIYA

சொட்ட சொட்ட நனைய வைத்தாய் சொல்லாமல் கொதிக்க வைத்தாய் எட்டாத இடத்தில் என் நெஞ்சை பறக்க வைத்தாய் கிட்ட தட்ட கரைய வைத்தாய் கிட்டாமல் அலைய வைத்தாய் திட்டாமல் திட்டித் தான் உன் காதல் உணர வைத்தாய் ரயில் வரும் பாலமாய் ஐயோ எந்தன் இதயம் தடதடதட வென துடிக்க நீ ஒரு நாள் ஒருநாள் விதையாய் வந்து விழுந்தாய் கண்ணுக்குள்ளே விழிபார்க்கும் போதே மரமாய் இன்று எழுந்தாய் நெஞ்சுக்குள்…

நே ரில் தவி ‌ ர்க்க முடிந்த அவளை எவ்வளவு முயன்றும் நினைவில் முடியவில்லை ...! கா தல் தொடங்காமலே விழியிலிருந்து விலா எலும்பு வரை வலிக்க வைத்தவளை   எப்படி மறந்துபோவது ..!   எ னக்குள் நானே புரியாமல் புரிந்துக்கொள்கிறேன் உடலில் இன்னும் உயிர் இருக்கிறதென்று ...! உ யிரை மட்டும் விலக்கி வைக்க யாராலும் முடியாதுதான் இருந்தாலும் முயற்சிக்கிறேன் நான் ..!   உ யிருக்கும் உடலுக்கும் இடையில் ஒவ்வொறு நொடியும்   யாருக்கும் தெரியாமல் மரணப்படுகிறேன் ...!   எ ல்லா குழப்பத்திற்கு பிறகு மௌனமாய்   ஒரு முடிவு செய்றேன் ..!   க ளையெடுத்துப் படிக்க வைக்கும் என் அம்மாவுக்காக காதல் வேண்டாம் என்று ...!

சக்திஜோதி “புள்ளு மாவும் புலம்பொடு வதிய நள்ளென வந்த நார் இல் மாலைப் பலர்புகு வாயில் அடைப்பக் கடவுநர் வருவீர் உள்ளீரோ? எனவும் வாரார் தோழி! நம் காதலோரே” சங்கப்பெண்பாற் புலவர் நன்னாகையாரின் குறுந்தொகைப் பாடல் இது. இந்தப் பாடலில், சங்ககால வாழ்வியல் பற்றி பல செய்திகள் உணர்த்தப்படுகின்றன. தலைவியின் கூற்றாக இந்தப் பாடல் அமைக்கப்பட்டிருப்பதால் முதல் வாசிப்பில் தலைவியின் தனிமைத் துயர் பற்றிச் சொல்கிறது என்று புரிந்து கொள்ளமுடிகிறது. ஆனால் வாழ்வின் அடுக்குகளின் பல பரிமாணங்களைக் கொண்டதாகவும் அமைத்திருக்கிறது. பாடலின் பொருள் , “தோழி! நள் என்னும் ஓசையுடன் அன்பில்லாத மாலைக்காலம் வந்தது. பறவைகளும் விலங்குகளும் தனிமைத் துயருடன் கலங்கித் தங்கியுள்ளன . அம்மாலைக் காலத்தில் பலரும் புகுதற்குரிய வாயிலை அடைப்பதற்கு எண்ணி குரல் கொடுப்பவர், “உள்ளே வருவதற்கு எவரேனும் உள்ளீரா?”என்றனர். அவ்வாறு குரல் கொடுத்தும் தன்மேல் காதலையுடைய தலைவர் வரவில்லையே.”என்பதாக உள்ளது. மாலை நேரத்தில் கூட்டில் அடையும் பறவைகள், வளர்ப்பு விலங்குகள் அதிஅவசரமான குரலில் பரபரக்கும். கூட்டில் அடையும் முன்பாக...

சக்திஜோதி ஆண்-பெண் உறவு என்பது பிரிவு காலத்திலேயே மிகுந்த வலிமையுடன் இருக்கிறதை அறியலாம். பிரிவு காலத்தில் தனிமையில் வருந்தும் தலைவி மிகவும் வாடியிருப்பாள். அவள் வாழும் சூழலின் கருப்பொருட்கள் மூலமாகவும் தலைவனின் நினைவில் மேலும் துயர் அடைவாள். அது போலவே பிரிந்து சென்றிருக்கும் தலைவன், தான் செல்லும் வழியின் கருப்பொருட்கள் மூலமாக தலைவியை நினைவு கொள்வான். இவ்விதமாக காணும் பொருள் யாவும் தலைவன் – தலைவி இருவருக்கும் அவர்கள் ஒருவரை ஒருவர் அன்பு செய்த காலங்களை நினைவில் கொண்டுவந்து சேர்க்கும். இந்த மனம் சங்க காலத்துக்கானது மட்டும் அல்ல… குறுந்தொகை மனதின் நீட்சியாக கவிஞர் தேன்மொழி தாஸின் கவிதை இது… ‘வானவில் நீண்டு பள்ளத்தாக்கை ஊடுருவி சிகரத்தை சிகரத்தோடு தைத்துக் கொண்டிருந்தது மரஅணில்களின் காதலில் சிதறிய கல்லின் ஓசை வண்ணத்தில் பாய்ந்து ஏழு ஸ்வரமானது நீ தேவதேவன் என் கண்களின் நிறம் கசக்கி மேகங்களில் ஏற்றி ஓட்டிக்கொண்டு போய்விட்டாய் காட்டுத்தீயாய் பரவுகிறது பூ மைனாக்கள் பேசி நிறுத்தும் இடைவெளிகளில் இடரும் நினைவுகள்…’ இந்தக் கவிதையில் தலைவனைப் பிரிந்து தனிமையிலிருக்...

” அறிவு நமக்கு ஆற்றலை அளிக்கிறது. அன்பு நம்மை முழுமையடையச் செய்கிறது”- டாக்டர். ராதாகிருஷ்ணன் முன்னாள் குடியரசு தலைவர் நமது இந்தியாவில் 504 பல்கலைக் கழகங்கள் உள்ளன. மொத்தக் கல்லூரிகள் 25,951. இதில் மகளீர் கல்லூரிகள் 2565. இக் கல்லூரிகளில் படிக்கம் மாணவர்களின் எண்ணிக்கை 1.36 கோடி. இதில் பெண்கள் 56.49 லட்சம். ” கல்வி என்பது மிகவும் ஆற்றல் வாய்ந்த கருவி. உலகை மாற்றுவதற்கு அதைப் பயன்படுத்த முடியும்” -நெல்சன் மண்டேலா ” அடிப்படை அறிவை வளர்க்கின்ற கல்வியைப் புகட்ட நினைக்காமல், பட்டதாரிகளை உற்பத்தி செய்வது பல்கலைக் கழகங்களின் நோக்கமாக இருக்கக்கூடாது. - ஜவஹர்லால் நேரு. ” அனைத்து குழந்தைகளும் ஓவியர்களே, பிரச்சனை என்னவென்றால்  வளர்ந்த பிறகும் எப்படி ஓவியராகவே இருப்பது என்பதுதான்” - பிக்காஸோ ”ஒரு மாணவனுக்கு உண்மையான பாடப்புத்தகம் அவனுடைய ஆசிரியர்தான்” ...

  மதுரை மூன்றாவது புத்தகத் திருவிழாவில் “உலகமயமாக்கப் பின்னணியில் பண்பாடும், வாசிப்பும்” என்ற தலைப்பில் எனக்கு மிகவும் பிடித்த ஆளுமைகளில் ஒருவரான தொ.பரமசிவன் அய்யா ஆற்றிய நீண்ட உரையை எனது அலைபேசியில் பதிந்து என் நாட்குறிப்பேட்டில் எழுதி வைத்திருந்தேன். உலகமயமாக்கலுக்கு எதிரான அவரது உரையை எல்லோருடனும் பகிர்ந்து கொள்வதில் பெருமைப்படுகிறேன். தொ.பரமசிவன் அய்யாவின் உரையை தொகுத்ததில் எழுத்துப்பிழைகள், சொற்பிழைகள் அமைந்தால் என்னையே சேரும். மற்றபடி எல்லாப்புகழும் தொ.பரமசிவன் அய்யாவுக்கே! என்னால் அய்யாவிடம் தமிழ் கற்க முடியவில்லை என்ற ஏக்கத்தை நான் கேட்ட அவரது பல உரைகள் போக்கியது. எனவே, நானும் தொ.ப’வின் மாணவன்தான். தொ.ப’வின் அற்புதமான உரையை அனைவரும் வாசியுங்கள்!  ‘’பேசுகிற இடம் மதுரை. பேசப்படுகிற விசயம் புத்தகம். எனக்கு கொஞ்சம் பயமாகத்தான் இருக்கிறது. ஏனென்றால், தமிழ்நாட்டில் எந்த ஊரில் அதிகமாக புத்தகங்கள் பிறந்தது என்றால் மதுரையில் தான் அதிக புத்தகங்கள் தோன்றியுள்ளன. ‘கலித்தொகை’ என்ற செவ்விலக்கியம் பாண்டியநாட்டு இலக்கியம் என்றே அழைக்கப்படுகிறது. ‘பரிபாடல்’ என்...

புத்தகங்களைச் சேர்த்து வைப்பதால் ஒரு பயனுமில்லை, வீட்டில் உள்ள அலமாரி தான் அடைந்து போகிறது அதனால் படித்தவற்றைத் தூக்கி வெளியே போடுங்கள் என்று வீட்டோர் சொல்கிறார்கள், தூக்கி எறிய மனமில்லை, ஆனால் வைத்துக் கொள்ளவும் இடமில்லை , இதனால் வீட்டில் அடிக்கடி சண்டை வருகிறது, படிப்பது சரி என்று ஒத்துக் கொள்கிறவர்கள். புத்தகம் வைக்க இடமில்லை என்று சொல்வது என்னவிதமான மனநிலை, இது போல சங்கடங்கள் உங்களுக்கும் வந்திருக்கும் தானே இதை எப்படி எதிர் கொள்கிறீர்கள் என்று ஆங்கிலத்தில் டி. எஸ். வெங்கட் என்ற நண்பர் ஒரு மின்னஞசல் அனுப்பியிருந்தார், இதே விசயத்தைப் பற்றி சென்ற முறை கோவை வந்த போது ஒரு நண்பரின் மனைவி என்னிடம் நேரடியாகவே சண்டையிட்டார், அநேகமாக வாசிக்கும் விருப்பம் உள்ள எல்லோரும் எதிர்கொள்ளும் ஒரே சிக்கல் இது தான் என்று தோன்றுகிறது வாசிக்க விருப்பமுள்ளவர்கள் அத்தனை பேரின் கனவும் வீட்டில் ஒரு நல்ல நூலகம் அமைக்க வேண்டும் என்பது தான், ஆனால் அதை எங்கே வைப்பது, யார் பராமரிப்பது, எப்படிப் பயன்படுத்துவது என்ற கேள்விகள் தொடர்ந்து துரத்திக் கொண்டேயிருக்கின்றன ஒருவகையில் புத்தகங்களை வைக...